*

miðvikudagur, 26. september 2018
Innlent 15. ágúst 2017 12:04

Alvogen kaupir rússneskt lyfjafyrirtæki

Alvogen tilkynnti í dag um kaup á rússneska lyfjafyrirtækinu Omega Bittner.

Ritstjórn
Róbert Wessman, forstjóri Alvogen, segir vaxtatækifæri í Rússlandi.
Aðsend mynd

Alvogen tilkynnti í dag um kaup á rússneska lyfjafyrirtækinu Omega Bittner. Fyrirtækið hefur sterka stöðu í sölu lausasölulyfja í Rússlandi og er góð viðbót við lyfjasafn Alvogen á markaðnum. Omega Bittner var áður í eigu bandaríska lyfjafyrirtækisins Perrigo en um 80 manns starfa hjá fyrirtækinu í Rússlandi. Þetta kemur fram í fréttatilkynningu frá Alvogen.

Róbert Wessman, forstjóri Alvogen, segir að góð vaxtartækifæri séu fyrir Alvogen í Rússlandi. „Rússland er einn af okkar sterkustu mörkuðum og við höfum jafnt og þétt verið að styrkja okkar stöðu þar. Lyfjasafn Omega Bittner er hrein viðbót við sölustarfsemi okkar í Rússlandi og eykur samkeppnisstöðu okkar á markaðnum enn frekar.“

Starfsemi Alvogen nær til 35 landa og hjá félaginu starfa um 2,800 starfsmenn. Helstu markaðssvæði fyrirtækisins í Mið- og Austur Evrópu eru Rússland, Rúmenía, Ungverjaland, Úkraína og Búlgaría. Á Íslandi starfa um 230 vísindamenn á vegum systurfyrirtækjanna Alvogen og Alvotech í nýju hátæknisetri. 

Stikkorð: Rússland Alvogen kaupa auka umsvif