*

mánudagur, 22. apríl 2019
Innlent 5. janúar 2017 14:00

Andmæla fleiri uppboðum á tollkvóta

Félag atvinnurekenda hefur andmælt ákvörðun atvinnuvegaráðuneytisins um fleiri uppboð á tollkvóta fyrir búvörur.

Ritstjórn
Ólafur Stephensen, framkvæmdastjóri Félags atvinnurekenda.
Haraldur Guðjónsson

Félag atvinnurekenda hefur andmælt ákvörðun atvinnuvegaráðuneytisins um að bjóða upp tollkvóta til að flytja inn búvörur á lægri tollum tvisvar á ári í stað þess að gera það árlega eins og tíðkast hefur. Þetta kemur fram í frétt Félags atvinnurekenda.

„Ráðuneytið lætur andmælin ekki á sig fá og stendur við ákvörðun sína, sem það segir í þágu hagsmuna innflytjenda búvara. FA hefur á móti farið fram á að ráðuneytið upplýsi hvernig ákvörðunin var tekin, hvaða hagsmunaaðilar voru spurðir álits og hvaða gagna var aflað. Félagið hefur bent ráðuneytinu á að líklegt sé að breytingin stuðli að hækkun verðs á innfluttum búvörum og skaði þannig hagsmuni bæði innflytjenda og neytenda,“ segir meðal annars í fréttinni.

FA tekur jafnframt fram að ákvörðun ráðuneytisins sé í samræmi við starfshóps landbúnaðarráðherra til að fjalla um viðbrögð við samningi Íslands og ESB um lækkun tolla á búvörum. „. Í þeim hópi sátu eingöngu fulltrúar ríkisins, landbúnaðarins og annarra innlendra framleiðenda en enginn fulltrúi innflytjenda eða neytenda. FA fékk jafnframt staðfest fyrir tæpu ári að Bændasamtök Íslands hygðust þrýsta á um þessa breytingu; að tollkvótar yrðu boðnir upp oftar á árinu. Félaginu er til efs að þar hafi umhyggja fyrir hagsmunum innflytjenda ráðið för,“ er jafnframt teki fram.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim