*

laugardagur, 23. september 2017
Fólk 13. september 2017 10:42

Andrea Olsen til Deloitte

Deloitte hefur fengið Andreu Olsen sem nýjan liðstjóra á skatta- og lögfræðisviði félagsins.

Ritstjórn
Aðsend mynd

Andrea Olsen, lögmaður, hefur gengið til liðs við Deloitte og mun starfa sem liðsstjóri á skatta- og lögfræðisviði hjá félaginu.

Andrea lauk laganámi við Háskólann í Reykjavík árið 2009 og hefur starfað hjá LOGOS lögmannsþjónustu undanfarin átta ár. Hún hefur  meðal annars sérhæft sig í félagarétti, samrunum og yfirtökum, fjárhagslegum endurskipulagningum og fjármögnun fyrirtækja. Áður en Andrea gekk til liðs við LOGOS starfaði hún hjá Creditinfo og Icelandair.

„Það er mikill akkur í því fyrir okkur að fá Andreu í hópinn. Við leggjum mikla áherslu á að veita viðskiptavinum okkar framúrskarandi þjónustu og trausta og áreiðanlega lögfræðiráðgjöf,“ segir Bjarni Þór Bjarnason, sviðsstjóri skatta- og lögfræðisviðs Deloitte. 

„Andrea hefur undanfarin ár starfað hjá stærstu lögmannsstofu landsins og kemur til okkar með mikla og góða reynslu sem mun nýtast Deloitte vel í þeim verkefnum sem framundan eru.“