Stein Erik Hagen, annar ríkasti maður Noregs, sagði frá því í norska sjónvarpinu á föstudagskvöld að hann væri samkynhneigður. Hagen segist hafa áttað seint á því að hann væri hommi, en hann er 59 ára gamall.
Bandaríska viðskiptatímaritið Forbes metur eigir Hagen á 4,4 milljarða dala, eða jafnvirði um 560 milljarða íslenskra króna.
Hagen efnaðist á rekstri matvörukeðjunnar RIMI sem hann stofnaði árið 1977 ásamt föður sínum og er núverandi stjórnarformaður Orkla Group, sem meðal annars á Gæðabakstur, Kristjánsbakarí og fleiri íslensk félög í matvælaframleiðslu.
Í þættinum Skavlan í norska ríkissjónvarpinu (NRK) sagði Hagen að hann hefði smátt og smátt áttað sig á því að hann væri samkynhneigður en hann hafi ekki vitað hvað það var þegar hann var ungur. Þrátt fyrir uppljóstrun Hagen á föstudag vissi fjölskylda hans um samkynhneigðina. Báðar fyrrum eiginkonur hans og börn hans fimm.
Í viðtali við Verdens Gang i kjölfar þáttarins talaði hann enn skýrar.
„Það að segja að ég sé hommi er kannski ekki alveg rétt, ég er tvíkynhneigður og fyrir fjölskyldu mína, alla vini mína og alla þá sem þekkja mig þá eru þetta ekki nýjar fréttir. Það á einnig við þær sem hef verið kvæntur, þar á meðal Mille-Marie Treschow. Hún vissi þetta og það er ekki ástæðan fyrir því að við skildum,“ sagði Hagen.
