Arðgreiðslur í sjávarútvegi hafa verið hlutfallslega lægri heldur en í öðrum geirum atvinnulífsins á árunum 2010 til 2016. Er meðaltalið um 21% af hagnaði meðal fyrirtækja í sjávarútvegi meðan meðaltalið nemur 31% af hagnaði í viðskiptahagkerfinu án sjávarútvegs í heildina.

Þetta kemur fram í pistli sem Samtök fyrirtækja í sjávarútvegi hafa birt á vefsíðu sinni en niðurstöðurnar eru reiknaðar upp úr tölum Hagstofu Íslands.

Eins og sjá má af grafinu hér að neðan hafa greiðslurnar verið hærri úr sjávarútvegi heldur en öðrum geirum árin 2014 og 2015, en önnur ár voru greiðslurnar hærri úr öðrum geirum. Þar af voru þær mun hærri árin 2010 og 2013.

Arðgreiðslur sem hlutfall af hagnaði
Arðgreiðslur sem hlutfall af hagnaði
© Aðsend mynd (AÐSEND)