*

þriðjudagur, 25. september 2018
Innlent 4. maí 2018 08:23

Ársfundur SFS eftir hádegi í dag

Helgi Hjálmarsson hjá Völku er meðal þeirra sem halda erindi á ársfundi Samtaka fyrirtækja í sjávarútvegi á Hilton hótelinu.

Ritstjórn
Helgi Hjálmarsson framkvæmdastjóri Völku fjallar um afraksturs samstarfs við framsækin sjávarútvegsfyrirtæki í sínum fyrirlestri.
Aðsend mynd

Ársfundur Samtaka fyrirtækja í sjávarútvegi er haldinn í dag, föstudaginn 4. maí á Hilton Reykjavík Nordica hótel milli klukkan 13:00 og 15:00. Fundurinn er að þessu sinni haldinn undir þeirri yfirskrift að fjárfesting sé forsenda framfara.

Jens Garðar Helgason formaður samtakanna heldur erindi ásamt Kristjáni Þór Júlíussyni sjávarútvegs- og landbúnaðarráðherra.
Jafnframt verða hvatningarverðlaun sjávarútvegsins afhent, ásamt sérstakri viðurkenningu til Landsbjargar. Auk þess verður tilkynnt um styrki úr Rannsóknasjóði síldarútvegsins.

Erindi sem haldin verða eru:

  • Heiðrún Lind Marteinsdóttir, framkvæmdastjóri FSF - Hvernig má hámarka virði auðlindar
  • Lovísa Anna Finnbjörnsdóttir, sviðsstjóri, fjármálaráðgjafar Deloitte - Auðlind vex af auðlind 
  • Helgi Hjálmarsson, framkvæmdastjóri Völku - Afrakstur samstarfs við framsækin sjávarútvegsfyrirtæki
  • Helga Sigurrós Valgeirsdóttir viðskiptastjóri í sjávarútvegsteymi Arion banka er fundarstjóri.