*

föstudagur, 19. apríl 2019
Innlent 2. júní 2015 08:52

Árvakur tapaði 42 milljónum króna

Heildartekjur útgáfufélags Morgunblaðsins og mbl.is námu 3,2 milljörðum króna í fyrra.

Ritstjórn
Birgir Ísl. Gunnarsson

Árvakur, útgáfufélag Morgunblaðsins og mbl.is, tapaði 42 milljónum króna á síðasta ári eftir fjármagnsliði og skatta. Ári fyrr varð hins vegar 6 milljóna króna hagnaður af rekstrinum. Þetta kemur fram í frétt Morgunblaðsins.

Þar segir að heildartekjur samstæðunnar hafi numið 3,2 milljörðum króna á árinu og drógust þær saman um 0,8% á milli ára. Rekstrargjöld námu 3,1 milljarði króna og jukust um 1,1%.

Rekstrarhagnaður (EBITDA) nam 103 milljónum króna og dróst saman um 60 milljónir króna. Eignir Árvakurs námu 2,1 milljarði króna um áramót, en langtímaskuldir námu 546 milljónum króna. Eiginfjárhlutfall styrktist lítillega milli ára og var 48% um áramót. Handbært fé frá rekstri nam 128 milljónum króna og jókst um 68 milljónir á milli ára.

Fram kemur í Morgunblaðinu að stærstur hluti breytingar í afkomu á milli ára stafi af einskiptiskostnaði sem gjaldfærður var í fyrra vegna starfsloka.

Stikkorð: Morgunblaðið Árvakur
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim