Þingflokkur Sjálfstæðisflokksins hefur gert það að tillögu sinni að Áslaug Arna Sigurbjörnsdóttir verði formaður utanríkismálanefndar Alþingis, Páll Magnússon verði formaður allsherjar- og menntamálanefndar og Óli Björn Kárason formaður efnahags- og viðskiptanefndar að því er kemur fram á mbl.is .
Tillagan var gerð af stjórn þingflokks Sjálfstæðisflokksins og var hún lögð fram og samþykkt á fundi í gær.
Þá var ákveðið að gera tillögu um að Haraldur Benediktsson yrði varaformaður fjárlaganefndar og Jón Gunnarsson varaformaður umhverfis- og samgöngunefndar. Kosið verður í nefndirnar á Alþingi í dag.