Erfingjar íslenskra auðmanna virðast margir hafa ávaxtað pundið vel - ef marka má álagningarskrár ríkisskattstjóra. Eign þeirra er reiknuð út frá greiðslu auðlegðarskatts og gefur ágætis humgynd um eignastöðu fólksins. Börn Pálma Jónssonar, stofnanda Hagkaups, eru í þessum hópi, sem og börn Christian Zimsen, stofnanda Laugarnesapóteks.
Börn Werners Rasmussonar eru fimm og greiða þrjú þeirra auðlegðarskatt hér á Íslandi. Steingrímur Wernersson er hins vegar með skráð lögheimili erlendis og er hann því ekki að finna í álagningarskrám. Þau Steingrímur, Karl og Ingunn áttu saman fjárfestingafélagið Milestone og hafa fjárfest víða hér á Íslandi, að allt frá því að kaupa Galtalækjarskóg til þess að eiga stóran hlut í Íslandsbanka, sem síðar skipti um nafn og varð Glitnir.
Systkini þeirra, Ólafur og Anna, hafa ekki látið sitt eftir liggja. Ólafur hefur til dæmis átt í gistiþjónusturekstri, sláturfélagi Suðurlands, kartöfluframleiðslu í Rúmeníu og fleiru. Anna átti um tíma hlut í einu af eignarhaldsfélögum Karls. Af systkinunum fimm greiddi Ingunn hæstan auðlegðarskatt og á samkvæmt því 1,8 milljarða króna.
Í Viðskiptablaðinu, sem kemur út á morgun, er ítarleg úttekt á eignum auðugustu Íslendinganna. Meðal annars efnis í blaðinu er:
- Hröð uppbygging við Mýrargötu
- Rýnt er í uppgjör Icelandair
- Borga rafbílar sig?
- Álagningarskrá segir ekki alla söguna um tekjur fólks
- Engin sumarlægð á hlutabréfamarkaði
- Nánar um uppbygginguna í Svartsengi
- Kósíhátíð fyrir kúltíverað fólk
- Kristján Þór Júlíusson heilbrigðisráðherra segir í ítarlegu viðtali nauðsynlegt að endurskipuleggja heilbrigðiskerfið og vill leggja aukna áherslu á hlutverk heimilislækna
- Laxveiðin gengur gríðarlega vel
- Gjaldþrotum fer fækkandi
- Viðskiptablaðið minnist Jóhannesar Jónssonar
- Skila auglýsingar um umferðaröryggi árangri?
- Nærmynd af Skúla Eggert Þórðarsyni ríkisskattstjóra
- Huginn & Muninn eru á sínum stað auk Týs sem að þessu sinni fjallar um opinbera fjárfestingu á Bakka
- Óðinn skrifar um alþjóðavæðingu á mistökum
- Þá eru í blaðinu pistlar og margt, margt fleira