Í lok mánaðarins mun Bergþóra Þorkelsdóttir forstjóri Íslensk-Ameríska hætta störfum að því er Morgunblaðið greinir frá. Tók Bergþóra við sem forstjóri heildverslunarinnar í árslok 2015, en áður hafði hún gengt framkvæmdastjórastöðu hjá dótturfélagi ÍSAM, Fastus.
Ekki er búið að finna eftirmann fyrir Bergþóru segir Gunnlaugur Sævar Gunnlaugsson stjórnarformaður fyrirtækisins en hann segir ákvörðunina tekna í góðri sátt milli aðila.
Eins og Viðskiptablaðið greindi frá hefur félagið keypt Korputorg og hyggst félagið flytja alla sína starfsemi þangað. Þar á meðal verða dótturfélögin Myllan, Ora, Frón og Kexverksmiðjan á Ákureyri.
