Margir iPhone unnendur hafa beðið spenntir eftir iPhone 8 í kjölfar þess að hann var kynntur til leiks fyrr í mánuðinum eins og Viðskiptablaðið sagði frá . Klukkan átta í gærkvöldi mátti sjá þessa ungu menn tjalda fyrir utan verslun Nova í Lágmúla því þeir ætluðu ekki að missa af símtækjunum sem fóru í sölu klukkan átta í morgun í versluninni.
Það virðist hafa farið vel um mennina í nótt en Magnús Árnason, markaðsstjóri Nova, segir þá hafa verið hinir hressustu, líkt og aðrir sem gerðu sér ferð í Lágmúlann í nótt og morgun.