Bjarki Pétursson hefur tekið til starfa sem nýr forstöðumaður fyrirtækjasölu hjá Símanum. Bjarki er kunnur fyrir frumkvöðlastörf hjá ráðgjafafyrirtækinu Zenter þar sem hann hefur unnið undanfarin átta ár. Þar hefur hann leitt verkefni í markaðsrannsóknum og tengd hugbúnaðargerð.
„Ég er stoltur af tækifærinu að fá að vinna með þessum sterka og reynslumikla hópi sem mætir mér hér innan Símans,“ er haft eftir Bjarka í tilkynningu. „Tækniframfarir síðustu ára skína hér alls staðar í gegn sem og gæði. Á þeim byggjum við þjónustuna og vöruframboðið í harðri samkeppni á fjarskiptamarkaði.“
Áður hefur Bjarki meðal annars leitt sölustarf hjá Högum og Ölgerðinni auk þess að sinna ráðgjöf fyrir fjölda annarra fyrirtækja. Rauði þráðurinn í þessum störfum hefur verið nýting upplýsingakerfa til ákvarðanatöku, til að auka sölu og minnka brottfall. Bjarki er fjölskyldumaður úr Árbænum með brennandi áhuga á knattspyrnu, símenntun og upplýsingum sem skapa sóknarfæri. Síminn býður hann velkominn til starfa.
„Við viljum byggja þjónustu okkar í ríkari mæli á gögnum til að ná árangri fyrir viðskiptavini okkar og hlökkum til að sjá þekkingu Bjarka nýtast í því,“ segir Magnús Ragnarsson, framkvæmdastjóri sölu hjá Símanum í tilkynningu.
Bjarki er fjölskyldumaður úr Árbænum með brennandi áhuga á knattspyrnu, símenntun og upplýsingum sem skapa sóknarfæri. Síminn býður hann velkominn til starfa.
