Bjarni Ármannsson, fyrrverandi forstjóri Glitnis banka, var í Hæstarétti í dag dæmdur í átta mánaða fangelsi skilorðsbundið til tveggja ára vegna skattalagabrota. Hann var að auki dæmdur til að greiða 35,9 milljónir í sekt í ríkissjóð. Héraðsdómur Reykjavíkur hafði áður dæmt Bjarna í sex mánaða skilorðsbundið fangelsi vegna brot síns.

Bjarni var dæmdur fyrir meiri háttar brot gegn skattalögum með því að hafa vantalið alls 20.487.295 krónur í fjármagnstekjur á skattframtölum sínum fyrir gjaldárin 2007, 2008 og 2009.