*

fimmtudagur, 25. apríl 2019
Innlent 14. maí 2018 08:18

Bjarni Ben kjörinn varaformaður

Fjármála- og efnahagsráðherra hefur verið kjörinn varaformaður eigendanefndar Endurreisnar- og þróunarbanka Evrópu.

Ritstjórn
Haraldur Guðjónsson

Bjarni Benediktsson, fjármála- og efnahagsráðherra og formaður Sjálfstæðisflokksins er kominn í stjórn, eða svokallaða eigendanefnd Endurreisnar- og þróunarbanka Evrópu.

Var Bjarni Ben, eins og hann er stundum kallaður, kjörinn í nefndina á 27. ársfundi bankans, sem haldinn var við Dauðahafið í Jórdaníu 9. til 10. maí síðastliðinn.

Bankinn var á sínum tíma stofnaður til að styðja við efnahagsþróun og fjárfestingar í ríkjum Austur-Evrópu, en í dag nær starfsemi bankans til 30 landa, sem einnig eru í Mið-Asíu og Suður- og Austur-Miðjarðarhafslönd.

Á fundinum voru umræður um stöðu og framtíðarstefnu bankans, en bankinn, sem skammstafaður er sem EBRD, er alþjóðleg fjármálastofnun sem fjármagnar verkefni á vegum bæði opinberra og einkaaðila.

Á vef stjórnarráðsins segir að á vegum bankans séu tækifæri fyrir íslensk fyrirtæki að starfa sem ráðgjafar í verkefnum, m.a. á sviði orkumála. Einnig sé hægt að vinna með beinum hætti með bankanum að fjárfestingum á starfssvæðum hans.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim