Bjarni Ármannsson, fyrrverandi bankastjóri Glitnis og núverandi forstjóri Iceland Seafood International, hyggst klífa Everest í næsta mánuði. Þetta staðfesti Bjarni í samtali við Viðskiptablaðið.

Bjarni hefur áður greint frá því í fjölmiðlum að hann sé mikill áhugamaður um fjallgöngur og hefur hann meðal annars klifið hæsta fjall Suðurskautlandsins, Mt. Vinson. Nú bætir Bjarni um betur og glímir við hæsta fjall jarðar.