*

laugardagur, 17. nóvember 2018
Fólk 6. júní 2018 10:16

Björn Markús til Origo

Origo fær Björn Markús Þórsson til liðs við sig sem sérfræðing í miðlægum lausnum.

Ritstjórn
Björn Markús Þórsson kemur til Origo frá Mannviti.
Aðsend mynd

Björn Markús Þórsson hefur verið ráðinn sérfræðingur í miðlægum lausnum hjá upplýsingatæknifyrirtækinu Origo, áður Nýherja. Hefur hann komið að fjölmörgum innleiðingum tölvukerfa og rekstri upplýsingatæknikerfa hjá ólíkum fyrirtækjum á liðnum árum.

Hann var áður deildarstjóri tölvudeildar Mannvits, annaðist hönnun og innleiðingu á tölvukerfi Manvits í Ungverjalandi og Bretlandi og stækkun á tölvukerfi Norðuráls.

Þá starfaði hann sem sérfræðingur í skýja-, afritunar- og rekstrarlausnum hjá Advania. Björn er með Microsoft Certified IT Professional vottun frá Promennt auk vottunar í Veeam.