Fyrirtækið Q44 ehf., sem er í óbeinni eigu fjögurra barna Magnúsar Kristinssonar, hefur keypt 40% hlut í Kraftvélum ehf., en framkvæmdastjóri félagsins, Ævar Þorsteinsson, staðfestir þetta í samtali við Viðskiptablaðið. Félagið Q44 er í eigu Fjárfestingafélagsins Bliks ehf. sem er í jafnri eigu systkinanna Magnúsar, Þóru, Héðins og Elfu Magnúsarbarna.
"Rafhlutir ehf., sem er félag í eigu minni og fjölskyldu minnar, átti alla í hluti í Kraftvélum áður en kaupin gengu í gegn núna um áramótin. Q44 ehf. eignaðist hins vegar 40% við kaupin," segir Ævar og bætir því við að kaupverðið sé trúnaðarmál.
Magnús Kristinsson er nú stjórnarformaður Kraftvéla og Héðin Karl sonur hans situr einnig í stjórn fyrirtækisins ásamt þeim Ævari og Viktor Karli Ævarssyni.
Nánar er fjallað um málið í Viðskiptablaðinu sem kemur út á morgun. Áskrifendur geta nálgast blaðið hér í fyrramálið. Meðal annars efnis í blaðinu:
- Seðlabankinn staldrar við.
- Fjármagnstekjuskattur hefur letjandi áhrif á sparnað.
- Tvær leiðir eru færar til að takast á við greiðslujafnaðarvandann.
- Rætt er við yfirmann stafrænna viðskipta hjá bandaríska flugfélaginu JetBlue.
- Björn Óli Hauksson, forstjóri Isavia, er í ítarlegu viðtali.
- Brugðið er upp svipmyndf af Erlu Ósk Ásgeirsdóttur.
- Huginn og Muninn eru á sínum stað.
- Týr fjallar um fjárfestingarsamnina.
- Óðinn fjallar um vatnsveitur.
- Þá eru í blaðinu pistlar og margt fleira.