*

miðvikudagur, 14. nóvember 2018
Innlent 14. júní 2018 18:01

Breyting gerð á úrvalsvísitölunni

Skeljungur hf. kemur nýtt inn í úrvalsvísitölu Kauphallarinnar í stað Regins hf..

Ritstjórn
Haraldur Guðjónsson

Breyting hefur verið gerð á úrvalsvísitölu Kauphallarinnar(OMXI8) samkvæmt niðurstöðum endurskoðunar sem fram fer á vísitölunni tvisvar á ári. Þetta kemur fram í fréttatilkynningu frá Kauphöllinni. Í endurskoðaðri samsetningu kemur Skeljungur hf. (SKEL) nýtt inn í vísitöluna. Í staðinn dettur fasteignafélagið Reginn hf. út.

Endurskoðuð samsetning mun taka gildi 2. júlí næstkomandi. Verður ný samsetningin eftirfarandi: 

  • Eik fasteignafélag hf. (EIK)
  • Hagar hf. (HAGA)
  • Icelandair Group hf. (ICEAIR)
  • Marel hf. (MARL)
  • N1 hf. (N1)
  • Reitir fasteignafélag hf. (REITIR)
  • Síminn hf. (SIMINN)
  • Skeljungur hf. (SKEL)

OMX Iceland 8 vísitalan er Úrvalsvísitala Nasdaq Iceland og er samsett af þeim átta félögum sem hafa mestan seljanleika á Nasdaq Iceland. Vægi félaga í OMX Iceland 8 vísitölunni ræðst af flotleiðréttu markaðsvirði, sem þýðir að einungis það hlutafé sem ætla má að myndi grunn að virkum viðskiptum er hluti af vísitölunni.