*

þriðjudagur, 20. nóvember 2018
Fólk 17. ágúst 2017 11:57

Bryndís ráðin fjármálastjóri KSÍ

Bryndís Einarsdóttir hefur verið ráðin fjármálastjóri Knattspyrnusambands Íslands.

Ritstjórn
Aðsend mynd

Bryndís Einarsdóttir hefur verið ráðin fjármálastjóri KSÍ og hefur hún störf 1. október næstkomandi. Þetta kemur fram í frétt á vef Knattspyrnusambandsins. Bryndís var valin úr hópi 64 umsækjenda um starfið en umsjón ráðningaferlisins var í höndum Capacent. 

Bryndís er með MBA próf í viðskiptafræði frá Davenport University, Michigan en einnig er hún menntuð sem íþróttafræðingur (BSc).

Bryndís hefur víðtæka reynslu af rekstri en hún var búsett í Bandaríkjunum í 12 ár og starfaði þar sem skrifstofustjóri fasteignafélagsins NPCOA. Frá árinu 2006 hefur Bryndís m.a. starfað sem fjárreiðustjóri hjá Lagernum ehf og nú síðast sem fjármála- og framkvæmdastjóri The Pier.

Bryndís hefur verið viðloðandi íþróttir frá blautu barnsbeini og lék m.a. með U-16 ára landsliðum bæði í fótbolta og handbolta.