*

mánudagur, 24. september 2018
Innlent 28. júní 2018 17:01

Brynhildur endurkjörin stjórnarformaður

Aðalfundur Orkuveitu Reykjavíkur var haldinn í dag og var Brynhildur endurkjörin stjórnarformaður.

Ritstjórn
Brynhildur Davíðsdóttir

Í dag var haldinn aðalfundur Orkuveitu Reykjavíkur vegna ársins 2017. Kjöri stjórnar var lýst á fundinum. Í henni sitja Brynhildur Davíðsdóttir, sem er formaður stjórnar, Gylfi Magnússon, varaformaður, Sigríður Rut Júlíusdóttir, Kjartan Magnússon, Hildur Björnsdóttir og Guðjón Viðar Guðjónsson. Áheyrnarfulltrúi er Halldóra Lóa Þorvaldsdóttir. Samþykkt var arðgreiðsla að fjárhæð 1.250 milljónir króna að því gefnu að arðgreiðsluskilyrði verði uppfyllt fyrir og eftir arðgreiðslu.

Á fundinum var Ársskýrsla OR 2017 kynnt. Hún er rafræn og gagnvirk og nær til umhverfisþátta í starfsemi samstæðu OR, samfélagsþátta, stjórnhátta og fjármála. 

Þrjú sveitarfélög eiga Orkuveitu Reykjavíkur; Reykjavíkurborg (93,539%), Akraneskaupstaður (5,528%) og Borgarbyggð (0,933%).