*

laugardagur, 17. nóvember 2018
Innlent 16. október 2018 09:59

Byrja að fljúga til Ísrael 11. júní

Wow air hefur staðfest fréttir um að að flug hefst á ný til Tel Aviv sem standi út október 2019. Flogið verður þrisvar í viku.

Ritstjórn
Frá eina alþjóðaflugvelli Ísrael við Tel Aviv er stutt að heimsækja Jerúsalem en hér sést Grátmúrinn í forgrunni musterishæðarinnar sem er heilög í augum helstu eingyðistrúarbragða heims.

WOW air mun fljúga á ný til Tel Aviv í Ísrael eins og Viðskiptablaðið sagði frá í gær. 

Flogið verður þangað fjórum sinnum í viku; á þriðjudögum, miðvikudögum, fimmtudögum og laugardögum. Flug hefst 11. júní og stendur út október 2019. Sala flugsæta hefst á morgun, miðvikudag klukkan 10. „Við erum ánægð með að geta hafið flug til Ísrael að nýju,“ segir Skúli Mogensen forstjóri og stofandi WOW air.

„Við finnum fyrir miklum áhuga á flugleiðinni. Bæði hafa Ísraelar mikinn áhuga á að heimsækja Ísland auk þess sem tengingin við Norður-Ameríku undirstrikar okkar sérstöðu á markaðnum.“

Tel Aviv er næststærsta borg Ísrael og státar af fögrum ströndum og merkum menningarverðmætum. Þar er mikil matarmenning og lifandi mannlíf. Þaðan er hægt að fara í dagsferðir á staði á borð við Dauðahafið, Jerúsalem og Bethlehem.