Indversk stjórnvöld hafa sett 305 milljónir dollara inn rekstur ríkisflugfélagsins Air India, sem hefur síðustu ár átt í miklum rekstrarerfiðleikum. Til marks um það björguðu indversk stjórnvöld flugfélaginu frá gjaldþroti árið 2012.

Eins og Viðskiptablaðið hefur áður greint frá , þá reyndu indversk stjórnvöld að selja meirihluta í flugfélaginu án árangurs. Miklir fjármunir hafa farið í að halda flugfélaginu gangandi og skattfé borgaranna hefur verið nýtt í það. Indversk stjórnvöld vildu því selja meirihluta í flugfélaginu til að losna við það að dæla peningum inn í félag sem hefur skilað tapi í áraraðir.

Talsmenn Air India hafa neitað að tjá sig um hvort þörf sé fyrir enn frekari fjárframlögum frá stjórnvöldum.