*

þriðjudagur, 21. maí 2019
Innlent 1. apríl 2019 13:28

Dæmdu Bjarna Ármannssyni í vil

Íslenska ríkinu gert að greiða félagi í eigu Bjarna Ármannssonar 80 milljónir vegna ofsköttunar.

Ritstjórn
Einarhaldsfélagið Sjávarsýn er í eigu Bjarna Ármannsson forstjóra Iceland Seafood.
Eggert Jóhannesson

Héraðsdómur Reykjavíkur dæmdi fyrir helgi stefnanda vil í máli eignarhaldsfélagsins Sjávarsýnar ehf. gegn íslenska ríkinu.  Íslenska ríkinu var gert að greiða Sjávarsýn ehf. um 80 milljónir króna vegna oftekinna skatta og gjalda, auk þriggja milljóna króna í málskostnað. Sjávarsýn er eignarhaldsfélag í eigu Bjarna Ármannssonar.  Með dómnum voru úrskurðir yfirskattanefndar og ríkisskattstjóra um endurákvörðun opinberra gjalda á árunum 2013 og 2014 felldir úr gildi. 

Málið á rætur að rekja til ársins 2007 þegar Sjávarsýn festi kaup á einkahlutafélaginu Imagine Invest, sem var lagt niður við sameiningu félaganna árið 2012. Tap var á rekstri Imagine á árunum 2008 og 2009 og nýtti Sjávarsýn sér það tap til frádráttar tekjum í skattaframtölum árin 2013 og 2014.  

Ríkisskattstjóri gerði athugasemd við sameininguna árið 2016 og taldi hana ekki gerða í venjulegum tilgangi þar sem Imagine hafi ekki verið virkt félag í rekstri. Þessu mótmælti Bjarni og fór með málið fyrir yfirskattanefnd sem staðfesti úrskurð Ríkisskattstjóra ári seinna. Í framhaldinu var ákveðið að fara með málið fyrir héraðsdóm. 

Lykilatriði í málflutningi Sjávarsýnar var að sýna fram á að Imagine Invest hafi sannarlega verið virkt félag í rekstri. Í skýrslu Bjarni Ármannsson fyrir dómi rekur hann tilurð félagsins og hvernig tap á rekstri þess var til komið á árunum 2008 og 2009. Þá hafnaði hann því að félagið hafi verið óvirkt og benti máli sínu til stuðnings á að félagið hafi keypt hlutabréf í Marel fyrir milljón krónur og haft fleiri fjárfestingar til skoðunar, m.a. í Emm Ess ís. Lagðar voru fram fundargerðir aðalfunda félagsins og bent á að það hafi skilað ársreikningum. 

Héraðsdómur féllst á málflutning Bjarna og voru úrskurðir ríkisskattstjóra og yfirskattanefndar því felldir úr gildi.   

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim