*

föstudagur, 24. maí 2019
Innlent 3. desember 2018 12:06

Dánartíðni vegna æxla lækkaði um 27%

Yfir helmingur Íslendinga sem deyja yngri en 34 ára látast af ytri orsökum, þar af yfir 60% karla en undir 40% kvenna.

Ritstjórn
Hliðið inn í kirkjugarðinn í Fossvogi.

Á síðasta rúma áratugnum létust flestir Íslendingar úr bláðrásarsjúkdómum og æxlum að því er Hagstofa Íslands hefur tekið saman. Þó hefur dánartíðni vegna illkynja æxla lækkað um 27% síðustu tvo áratugina, meðan hlutfall þeirra sem létust úr tauga- og skynfærasjúkdómum jókst úr 51 af hverjum 100 þúsund íbúum í 100.

Skýrist það af 11% hlutfallslegri fjölgun þeirra sem eru eldri en 85 ára, enda slíkir sjúkdómar, eins og Alzheimers og Parkinson líklegri til að hrjá eldra fólk. Á tímabilinu 2008 til 2017 létust flestir, eða 7.065 landsmenn úr bláðrásarsjúkdómum ýmis konar, eða 34% allra sem létust á tímabilinu.

Þar á eftir létust 6.031 úr æxlum eða 29% allra látinna. Alls létust 1.083 úr sjúkdómum í taugakerfi (9,5%) og 1.812 úr sjúkdómum í öndunarfærum (8,7%). Fæstir dóu vegna ytri orsaka eða 1.331 sem svarar til 6% af heildarfjölda látinna yfir tímabilið 2008–2017.

Eins og gefur að skilja er skipting dánarmeina þeirra sem yngri eru öðruvísi, en fram til 34 ára deyja flestir úr ytri orsökum eða 54%. Þar er töluverður munur á kynjunum, en 61% karla deyja af ytri orsökum en 38% kvenna.

Í aldursflokknum 35–64 ára deyja flestir úr æxlum eða 46%. Þar er einnig mikill munur á kynjunum þar sem mun fleiri konur, eða 59% deyja úr æxlum á þessu aldursskeiði en karlar eða 37%.

Þó ber að hafa í huga í þessu samhengi að hlutfallslega færri deyja yngri en 65 árs eða einungis tæp 17% allra látinna yfir tímabilið 2008–2017. Í aldursflokknum 65–79 ára eru æxli enn algengust með 43% hlutdeild á móti 28% vegna blóðrásarsjúkdóma en röðun annarra dánarorsaka sama og fyrir heildarfjölda látinna.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim