David Cameron, forsætisráðaherra Bretlands mun taka þátt í málþinginu Northern Future Forum í Reykjavík 28. og 29. október næstkomandi. Auk Cameron verða forsætisráðherrar Norðurlandanna og Eystrasaltsríkjanna gestir á málþinginu.
Þetta verður í fyrsta skipti frá stofnun lýðveldisins sem forsætisráðherra Bretlands heimsækir Ísland. Síðasti forsætisráðherra Bretlands til að heimsækja Ísland var Winston Churchill heimsótti landið árið 1941.
Northern Future Forum er umræðuvettvangur þar sem þjóðarleiðtogar, fræðimenn og sérfræðingar skiptast á skoðunum um valin mál. Í ár verður rætt um skapandi atvinnugreinar og nýsköpun í opinberum rekstri.