*

þriðjudagur, 25. september 2018
Erlent 4. september 2018 10:25

Deutsche fer úr Euro Stoxx 50

Deutsche Bank, stærsti lánveitandi Þýskalands, mun falla út úr Euro Stoxx 50, sem er evrópsk leiðandi vísitala fyrir sérlega stöðug fyrirtæki.

Ritstjórn
Höfuðstöðvar Deutsche Bank í Frankfurt.
Aðsend mynd

Deutsche Bank, stærsti lánveitandi Þýskalands, mun falla út úr Euro Stoxx 50, sem er evrópsk leiðandi vísitala fyrir sérlega stöðug fyrirtæki (e. blue-chip companies). Mun bankinn fara úr vísitölunni þann 24. september næstkomandi en Financial Times greinir frá málinu

Árið hefur reynst bankanum afar erfitt en markaðsvirði hans hefur minnkað um 30% niður í 20 milljarða evra það sem af er þessu ári. 

Í tilkynningu frá bankanum kemur fram að bankinn heiti því að ráðast í endurskipulagningu og auka hagnað sinn á komandi misserum, burt séð frá brotthvarfi hans úr vísitölunni. 

Euro Stoxx 50 vísitalan inniheldur 50 leiðandi, sérlega stöðug fyrirtæki í níu geirum, þar af sjö banka. 

Talið er líklegt að Commerzbank, sem er annar stærsti lánveitandi Þýskalands, falli úr Dax vísitölunni sem er sambærileg vísitala fyrir fyrirtæki í Þýskalandi. 

Stikkorð: Deutsche bank