Sigurjón Árnason, fyrrverandi bankastjóri Landsbankans, var í Hæstarétti í dag dæmdur í 18 mánaða fangelsi fyrir hlut sinn í markaðsmisnotkunarmáli Landsbankans.
Samkvæmt frétt mbl.is var Ívar Guðjónsson fyrrum forstöðumaður eigin fjárfestinga bankans dæmdur í 2 ára fangelsi og Júlíus S. Heiðarsson, fyrrum starfsmaður eigin fjárfestinga fékk eins árs fangelsisdóm. Sindri Sveinsson, fyrrum starfsmaður eigin fjárfestinga bankans fékk eins árs fangelsisdóm.
Í héraði var Sigurjón dæmdur í tólf mánaða fangelsi og þar af voru níu mánuðir skilorðsbundnir. Júlíus Steinar og Ívar Guðjónsson voru báðir dæmdir til níu mánaða fangelsisvistar, þar af sex mánuðir skilorðsbundnir. Sindri Sveinsson var hins vegar sýknaður.