Pizzastaðurinn Domino´s á íslandi hefur gert samstarfssamning við auglýsingastofuna Fíton og er samningurinn til fimm ára. Samningurinn er með þeim lengri sem tíðkast í auglýsingabransanum.
Haft er eftir Pétri Péturssyni, framkvæmdastjóra Fítons, í tilkynningu að þettasé góður samningur fyrir bæði fyrirtækin. „Þetta [...] sýnir hversu mikið traust Domino’s ber til okkar eftir gott og árangursríkt samstarf í rúmt ár,“ segir hann.
„Árangur Fíton á auglýsingasviðinu skiptir vitaskuld miklu máli. Domino´s er markaðsdrifið fyrirtæki og Fíton er einn af okkar stærstu birgjum ef frá eru taldir hráefnisbirgjar. Á síðustu misserum höfum við verið að breyta áherslum okkar í markaðs- og auglýsingamálum verulega,“ segir Birgir Örn Birgisson, framkvæmdastjóri Domino´s, í tilkynningunni.
