*

föstudagur, 16. nóvember 2018
Erlent 20. janúar 2017 16:55

Donald Trump orðinn Bandaríkjaforseti

Donald John Trump er orðinn 45. forseti Bandaríkjanna.

Ritstjórn
Donald Trump sver embættiseið.
epa

Donald John Trump sór embættiseið sem 45. forseti Bandaríkjanna klukkan 17:00 í dag að íslenskum tíma á tröppum þinghússins í höfuðborginni Washington. Hann tekur við embætti af Barack Hussein Obama, sem gegnt hefur embættinu undanfarin átta ár.

Á tröppunum eru samankomnir fráfarandi forseti, Barack Obama og kona hans, Michelle Obama ásamt fráfarandi varaforseta Joe Biden og komandi varaforseta Mike Pence, fyrrverandi Bandaríkjaforsetum og fjölda annarra leiðtoga í bandarískum stjórnvöldum.

Innsetningarathöfnin hófst klukkan 14:30 að íslenskum tíma. Clarence Thomas hæstaréttardómi tók eiðstaf af Mike Pence, varaforseta, klukkan 16:30. John Roberts tók eiðstaf af Trump.

Mikill fjöldi almennings hefur safnast saman við þinghúsið þar sem það hlustar á ræðuhöld, bænir og söng, meðan það bíður eftir því að Trump stígi fram og verði svarinn inn í embætti.

Hægt er að horfa á athöfnina í beinni útsendingu hér.