*

miðvikudagur, 21. nóvember 2018
Innlent 25. mars 2015 09:37

DV: Brutum engin lög

Framkvæmdastjóri DV segir að eitt verði yfir alla miðla að ganga varðandi umfjöllun um bjór.

Ritstjórn
Aðrir ljósmyndarar

Forsvarsmenn DV segjast engin lög hafa brotið með því að láta sérblað um bjór fylgja helgarblaði DV í lok síðasta mánaðar. Greint er frá þessu á fréttavef RÚV.

Greint var frá því í byrjun vikunnar að fjölmiðlanefnd hefði sent DV erindi þar sem krafist er skýringa á útgáfu auglýsingablaðs um bjór sem fylgdi blaðinu þann 27. febrúar síðastliðinn. Málið var tekið upp að frumkvæði fjölmiðlanefndar.

Steinn Kári Ragnarsson, framkvæmdastjóri DV, segir í samtali við RÚV að hjá blaðinu telji menn sig ekki hafa brotið nein lög. Segist hann jafnframt vona að fjölmiðlanefnd hafi sett sig í samband við aðra prentmiðla sem hefðu verið með umfjöllun um áfenga drykki, þar sem eitt yrði yfir alla að ganga.