Íslandsbanki hefur ákveðið að sameina markaðsmál, samskipti og greiningu. Edda Hermannsdóttir hefur verið ráðin forstöðumaður sameinaðs sviðs.

Edda hefur starfað sem samskiptastjóri bankans frá 2015 og starfaði áður sem aðstoðarritstjóri Viðskiptablaðsins. Hún er hagfræðingur frá Háskóla Íslands og stundar stjórnunarnám í IESE í Barcelona.

Skilin milli samskipta og markaðsmála minnkar stöðugt með tilkomu aukinnar notkunar  samfélagsmiðla og stafrænnar markaðssetningar segir í fréttatilkynningu bankans. Nýtt svið jafnframt í samræmi við þróun hjá bönkum á Norðurlöndunum.

Þessar skipulagsbreytingar eru gerðar í kjölfarið af því að Guðmundur Arnar Guðmundsson sem starfað hefur sem markaðsstjóri ákvað að kveðja bankann.