*

mánudagur, 24. september 2018
Innlent 8. september 2014 11:00

Eðlilegt að sérfræðingar beri ábyrgð

Vangreiddur skattur og álag er 93 milljónir króna hjá Toyota vegna öfugs samruna.

Ritstjórn
Úlfar Steindórsson, forstjóri Toyota.
Birgir Ísl. Gunnarsson

Vangreiddur skattur og álag nema 93 milljónum króna hjá Toyota vegna öfugs samruna. Auk þess er mikill kostnaður sem fylgir lögfræðivinnu. Þetta segir Úlfar Steindórsson, forstjóri Toyota.

Hann segir að búið sé að stefna ráðgjafafyrirtækinu Deloitte vegna málsins og að nú sé gagnaöflun í gangi. Álagið sjálft er fjórðungshlutur af upphæðinni, eða tæpar 19 milljónir. „Manni finnst eðlilegt að þeir sem taki að sér sérfræðivinnu og eru sérfræðingar hljóti að bera einhver ábyrgð.“

Hafna því að hafa valdið tjóni

Pálína Árnadóttir, áhættu- og gæðastjóri Deloitte, segir ráðgjafa bera ábyrgð á þeirri ráðgjöf sem þeir veita og samið hefur verið um. „Við hjá Deloitte höfnum því að hafa valdið Toyota tjóni og munum færa fyrir því rök í dómsal en málið verður ekki rekið í fjölmiðlum af hálfu Deloitte.

Nánar er fjallað um málið í Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð.