*

miðvikudagur, 22. maí 2019
Innlent 26. febrúar 2016 17:50

Eigendur Kröflu kaupa Veiðiflugur

Gengið hefur verið frá sölu veiðiverslunarinnar Veiðiflugna og sameinast hún veiðibúðinni Kröflu um mánaðamótin.

Trausti Hafliðason
Birgir Ísl. Gunnarsson

Hjónin Hilmar Hansson og Oddný Magnadóttir hafa selt veiðiverslunina Veiðiflugur. Kaupandinn er félagið Kröfluflugur ehf., sem rekið hefur veiðibúðina Kröflu á Höfðabakka undanfarin ár. Samfara kaupunum verður búðinni á Höfðabakka lokað frá og með 1. mars og ný sameinuð verslun Kröflu og Veiðiflugna rekin á Langholtsvegi 111.

Að Kröfluflugum ehf. standa Stefán Kristjánsson og Sólveig Jóna Ögmundsdóttir, eigendur Veiðibúðarinnar Kröflu og Friðjón Mar Sveinbjörnsson.

Veiðiflugur er meðal annars dreifingaraðili vörumerkjanna Loop, Patagonia, Costa og Guideline. Þórir Grétar Björnsson sem verið hefur verslunarstjóri í Veiðiflugum mun áfram gegna því starfi.

Fyrir rétt um ári síðan greindi Viðskiptablaðið frá því að Hilmar og Oddný hefðu hug á að selja Veiðiflugur. Fyrirtækið byrjaði sem sérhæfð fluguveiðiverslun á netinu árið 2009. Sú starfsemi gekk það vel að ákveðið var að opna verslunina á Langholtsvegi. Kaupverð Veiðiflugna er ekki gefið upp en fyrir ári síðan kom fram á vefsíðu Kontakt fyrirtækjaráðgjafar að verslunin væri með ársveltu upp á 80 milljónir króna.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim