Skiptum er lokið á félaginu Hverar en engar eignir fundust í búinu. Samtals var kröfum upp á tæplega 76,7 milljónir króna lýst í búið.

Félagið hét áður Svanhvít efnalaug ehf. en það var tekið til gjaldþrotaskipta 19. september í fyrra. Skiptum á búinu lauk strax í desember sama ár en tilkynning þessa efnis var birt í Lögbirtingablaðinu fyrir helgi.

Samkvæmt fyrirtækjaskrá RSK er annað félag sem ber nú nafnið Svanhvít efnalaug ehf.