*

þriðjudagur, 21. nóvember 2017
Innlent 7. september 2017 16:58

Eik hækkaði um 1,81%

Gengi hlutabréfa Eikar fasteignafélags hækkaði um 1,81% í dag í 210,5 milljón króna viðskiptum.

Ritstjórn
Haraldur Guðjónsson

Úrvalsvísitala Kauphallar Nasdaq Iceland hækkaði um 0,33% í dag. Heildarvelta á mörkuðum nam 5.933 milljónum króna þar af var velta á hlutabréfamarkaði 2.355 milljónir króna og 3.379 milljóna króna velta var á skuldabréfamarkaði.

Gengi hlutabréfa fasteignafélagsins Eikar hækkaði mest í dag eða um 1,81% í 210,5 milljón króna viðskiptum. Einnig hækkaði gengi hlutabréfa Haga um 1,43% í 182,3 milljón króna viðskiptum. Mest lækkaði gengi hlutabréfa Nýherja eða um 0,89% í 11,9 milljón króna viðskiptum.