Í júlímánuði varð WOW air fyrsta flugfélagið í Evrópu til að taka í notkun nýja Airbus A321 neo vél. Samkvæmt frétt Túrista voru þær vélar félagsins sem fyrir voru einnig lítið notaðar. Samkvæmt samantekt CH-Aviation er meðalaldur flugflota WOW einungis 2,05 ár.
Flugfloti WOW air er þar með sá fjórði yngsti í Evrópu. Yngsti flotinn er hjá breska hluta Norwegian flugfélagsins en þær meðalaldur véla félagsins er 0,99 ár. Í örðu sæti kemur Eurowings með meðalaldur upp á 1,77 ár og í þriðja sæti kemur Swiss Global Air Lines en meðalaldur véla félagsins er 1,78 ár.
Þess má geta að Bretlandshluti Norwegian flýgur til Íslands frá London Gatwick yfir vetrarmánuðina. Þá er Eurowings einnig með áætlunarflug til Íslands en þó aðeins yfir sumarmánuðina.
