Mark Holyoake.
Mark Holyoake.
© Gunnhildur Lind Photography (Gunnhildur Lind Photography)
Félag í eigu Marks Holyoake, International Seafood Holdings SARL, hefur enn ekki fengið afhent þá hluti í Iceland Seafood International (ISI) sem það hefur samið um að kaupa. Mark Holyoake sagði í tölvupósti til Viðskiptablaðsins að verið sé að ganga frá viðskiptunum en enn á eftir að ganga frá greiðslu fyrir hlutina.

Félag Holyoake samdi um kaup á 73,1% hlut Kjalars ehf., félags í eigu Ólafs Ólafssonar, í ISI í janúar í fyrra en hefur ekki fengið hlutabréfin afhent. Þau verða afhent þegar fullnaðargreiðsla liggur fyrir. Samhliða kaupunum var samið um að aðrir hluthafar myndu selja Holyoake sína hluti í fyrirtækinu. Holyoake hefur þegar greitt þorra þeirrar upphæðar sem samið var um að hann greiddi fyrir ISI.