Fimm einstaklingar hafa gefið kost á sér í stjórn Origo fyrir hluthafafund félagsins 2. maí næstkomandi, og tveir í varastjórn. Mælir tilnefningarnefnd félagsins með þeim öllum.
Kemur hluthafafundurinn til viðbótar við aðalfund félagsins sem haldinn var 7. mars síðastliðinn, en þá komu þau Svafa Grönfeldt og Hjalti Þórarinsson ný inn í stjórn.
Þá var Gunnar Zoëga sjálfkjörinn í stjórn, en núna kemur Elísabet Grétarsdóttir til viðbótar inn í varastjórn.
Elísabet er yfirhönnuður félagslegra kerfa (e. director of social systems) hjá tölvuleikjafyrirtækinu DICE í Svíþjóð, og var hún í ítarlegu viðtali við Fólk á uppleið, tímarit Frjálsrar verslunar , í mars síðastliðnum. Hún hefur starfað hjá fyrirtækinu síðan 2015 og gegndi áður hlutverki markaðsstjóra tölvuleiksins Battlefield.
Elísabet var markaðsstjóri Arion Banka 2012-2015. Hún vann við markaðsmál og fleira hjá CCP á árunum 2006-2012. Elísabet er með MSc gráðu í markaðsfræðum frá Háskólanum í Stokkhólmi.
Eftirtaldir verða þar með í stjórninni sem sjálfkjörið er í á fimmtudag:
- Guðmundur Jóhann Jónsson, kennitala: 041159-2439
- Hildur Dungal, kennitala: 140571-3859
- Hjalti Þórarinsson, kennitala: 290175-3649
- Ívar Kristjánsson, kennitala: 011069-5099
- Svafa Grönfeldt, kennitala: 290365-3769
Varamenn:
- Elísabet Grétarsdóttir, kennitala: 040979-5069
- Gunnar Zoëga, kennitala: 120275-4619