Ísland er að snúa aftur í hóp ríkustu þjóða heims og á Íslandi eru engir brjálaðir ólígarkar, engir stríðsherrar ættflokka eða mafíósar, aðeins mikið af fiski. Þetta kemur fram í frétt Bloomberg.
Í fréttinni segir að íslenska ríkið muni ekki endurheimta AAA einkunnina sem það hafði hjá Moody’s Investors til í maí 2008 alveg á næstunni heldur sé það með einkunnina Baa2.
Á hinn bóginn sé hagvöxtur og lítið atvinnuleysi í landinu sem flest ríki innan evrusvæðisins geti aðeins látið sig dreyma um.
„Það góða við Ísland er að það er tiltölulega stöðugt,“ segir Anthony Lui, sérfræðingur í vaxtamunaviðskiptum hjá Exotix Partners LLP í Lundúnum í viðtali fréttastofuna .„Engir brjálaðir ólíkargar, engir ættflokka-stríðsherrar eða mafíósar, aðeins mikið af fiski. Og býður upp á umtalsvert hærri innlánsvexti heldur en flest önnur lönd.“
