*

miðvikudagur, 22. nóvember 2017
Innlent 4. október 2017 12:53

Eyþór Arnalds í stjórn Moggans

Stærsti einstaki eigandi blaðsins sest í stjórn Árvakurs, útgáfufélags Morgunblaðsins.

Ritstjórn

Í liðinni viku tók Eyþór Arnalds fjárfestir sæti í stjórn Árvakurs, útgáfufélags Morgunblaðsins. Félag hans, Ramses II er stærsti einstaki hluthafi Þórsmerkur, eiganda Árvakurs, en það er með 22,87% hlut. Eins og Viðskiptablaðið hefur greint frá hefur bæði Eyþór og Kaupfélag Skagfirðinga verið að auka við hlut sinn í útgáfufélaginu.

Með innkomu Eyþórs í stjórnina hverfur Friðbjörn Orri Ketilsson úr stjórninni, en hann hefur setið í henni frá árinu 2015 að því er Fréttablaðið greinir frá. Í stjórninni sitja fyrir þau Sigurbjörn Magnússon stjórnarformaður, Ásdís Halla Bragadóttir, Bjarni Þórður Bjarnason og Katrín Pétursdóttir.