*

miðvikudagur, 24. apríl 2019
Innlent 4. apríl 2017 12:18

Eyþór: Er að koma inn í öflugan eigendahóp

Eyþór Arnalds segist bera mikla virðingu fyrir Morgunblaðinu og Mbl.is.

Pétur Gunnarsson
Haraldur Guðjónsson

Eyþór Arnalds hefur eignast ríflega fjórðungshlut í félaginu Þórsmörk sem er eignarhaldsfélag útgáfufélagsins Árvakur hf. sem gefur út Morgunblaðið. Áður átti Samherji 18,43% hlut í félagið Kattarnef ehf. en við sölu á öllum hlutum félagsins til Eyþórs er Samherji farið úr eigendahópnum. Hann keypti jafnframt 6,14% hlut Síldarvinnslunnar hf. og 2,05% hlut Vísis hf., og á alls 26,62% hlut í blaðinu.

Eyþór segir í samtali við Viðskiptablaðið að hann beri mikla virðingu fyrir Morgunblaðinu og Mbl.is. „Þetta hvílir á gömlum merg,“ segir hann.

„Það er breytt neyslumynstur á fréttum og menningarefni. Íslenskir fjölmiðlar eru í tvöfaldri baráttu, bæði að takast á við tæknibreytingar og nýta þær og hins vegar að vera í þeirri stöðu að vera með íslenska tungu og íslenska menningu. Það er mjög mikilvægt fyrir Ísland að vera með sterka fjölmiðla sem geta miðlað íslensku efni. Þó að aðgangur á erlendu efni sé jákvæður - þá þýðir það líka það að íslenskt efni þarf að vera gott, áhugavert og miðlað vel. Þetta er almenna staðan,“ segir Eyþór Arnalds um stöðu fjölmiðla á Íslandi.

Spurður út í kaupverðið, segir Eyþór að hann vilji láta kaupin ganga í gegn áður en hann tjáir sig meira. Spurður að því hvort að breytingar verði á rekstri félagsins segir Eyþór: „ Ég er einfaldlega að koma inn í öflugan eigendahóp, þetta er ákveðin endurnýjun.“ Að lokum segir Eyþór að það hafi ekkert verið rætt um framhaldið og að þau séu einungis að taka fyrstu skrefin.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim