*

fimmtudagur, 25. apríl 2019
Innlent 17. maí 2018 10:57

Eyþór: Staðan galopin

Eyþór Arnalds, oddviti Sjálfstæðisflokksins í borgarstjórnarkosningunum, segist viss um að það verði breytingar eftir kosningar.

Ritstjórn
Haraldur Guðjónsson

Meirihlutinn heldur í könnuninni en ég á ekki von á að það gerist á kjördag,“ segir Eyþór Arnalds, oddviti Sjálfstæðisflokksins í Reykjavíkurborg. Flokkurinn mælist nú með 24,8% og 7 borgarfulltrúa en mældist með 29% fylgi í könnun sem Viðskiptablaðið birt fyrir um tveimur mánuðum og 8 borgarfulltrúa inni. Þetta eru viðbrögð Eyþórs við niðurstöðu könnunar sem birtist í Viðskiptablaðinu í dag. Meirihlutinn í borginni heldur samkvæmt könnuninni.

„Ég á von á að Samfylkingin gefi eftir eins og við sjáum að hinir flokkarnir í meirihlutanum hafa gert. Það er athyglisvert að Sósíalistar séu komnir á blað og líka athyglisvert að sjá tvo hægriflokka í viðbót, Viðreisn og Miðflokk, koma inn. Það eru því þrír nýir flokkar inni og nýtt landslag í borginni og staðan galopin.“

Eyþór bendir á að Dagur sé eini oddvitinn sem gefi kost á sér til áframhaldandi setu í borgarstjórn frá yfirstandandi kjörtímabili. „Hann hefur verið sextán ár í borgarstjórn. Þeir sem leiða hina listana eru að koma nýir inn og ég sé sterka kröfu um breytingar. Meirihlutaflokkarnir skynja líka þennan vilja til breytinga, bæði VG og Píratar þannig að ég er viss um að það verði breytingar.

Nánar er fjallað um málið í Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð.

Stikkorð: kosningar x18
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim