Samfélagsmiðillinn Facebook er byrjað að tengja fréttir sem notendur deila við wikipedia síður um miðlana og höfunda greinanna sem um ræðir til þess að ýta undir að þeir leggi sjálfstætt mat á trúverðugleika fréttanna.
Tilraunin er hafin meðal sumra notenda í Bandaríkjunum en þar í landi hefur verið mikil umræða um samfélagsmiðilinn eftir að upp komst um misnotkun fyrirtækisins Cambridge Analytica á notendaupplýsingum.
Hallaði á hægrisinnaða umfjöllun
Komu þær fréttir ofan á hneykslismál frá árinu 2016 þegar verktakar fyrir Facebook viðurkenndu að hafa sýnt hlutdrægni þannig að hallaði á fréttir sem höfðuðu til hægrisinnaðra skoðana sem komu upp sem vinsælar fréttir á síðunni.
Eftir að hafa gert tilraun með að merkja fréttir sem væru umdeildar uppgötvaði samfélagsmiðillinn Facebook að sumir notendur litu á það sem gæðamerki og deildu frekar þannig fréttum áfram.
Hafði Facebook hafið samstarf við aðila sem sannreyndu fréttir sem lið í baráttu samfélagsmiðilsins gegn því sem kallað hefur verið falskar fréttir, en tilraunin snerist upp í andhverfu sína þegar notendur sýndu vantraust sitt á samfélagsmiðlinum.
Nær til allra í Bandaríkjunum í október
Nýja tilraunin mun ná til allra notenda í Bandaríkjunum í október og er ætlunin að þegar notendur sjái fréttir sem er deilt sjái þeir jafnframt tengla inn á wikipedia síður um viðkomandi höfunda og fréttasíðurnar sem fréttirnar birtast á.
Auk þess verði upplýsingar um hve oft viðkomandi frétt hafi verið deilt og hvar sem og að hægt verði að smella á hnapp sem gefi frekari upplýsingar um greina. Jafnframt geti notendur séð hvort vinir hafi deilt fréttinni og ágrip af öðrum fréttum frá viðkomandi fréttaveitu.
Er ætlunin að nýta algrím og reiknireglur til að tryggja aðgang að upplýsingunum í stað mannlegra ákvarðana líkt og olli hneykslinu árið 2016 og verður því hægt að nýta tæknina víðar en í Bandaríkjunum að því er techcrunc.com greinir frá. Er ætlunin með nýju aðferðinni sögð vera að tryggja hlutleysi og að ekki sé hægt að saka Facebook um að vera hliðholla ákveðnum stjórnmálaskoðunum.
Eldri fréttir af Facebook:
- 19. mars 2018 - Facebook fellur eftir hneyksli
- 1. febrúar 2018 - Facebook ekki á flæðiskeri statt
- 14. janúar 2018 - Færsla Zuckerberg reynist honum dýr
- 27. júlí 2017 - Hagnaður Facebook eykst um 71%
- 13. júlí 2017 - Auglýsingar á Facebook Messenger
- 13. júlí 2017 - Mark Zuckerberg á faraldsfæti
- 27. júní 2017 - Facebook nær 2 milljörðum notenda
- 27. maí 2017 - Zuckerberg vill skoða borgaralaun
- 7. febrúar 2017 - Vilja losna við Zuckerberg
- 20. janúar 2017 - Facebook byggir risa gagnver í Óðinsvé
- 4. janúar 2017 - Ætlar að ferðast um Bandaríkin
- 3. nóvember 2016 - Hægist á tekjuöflun Facebook
- 21. ágúst 2016 - Zuckerberg selur í Facebook
- 5. júlí 2016 - Facebook kallað skrímsli af ráðherra
Skoðanapistlar af Facebook:
- 23. mars 2018 Óðinn - Skrímsli Zuckensteins