Craig Drimal afplánar nú fimm og hálfsárs dóm, sem hann hlaut árið 2011 fyrir að stunda innherjaviðskipti þegar hann starfaði hjá Galleon Group LLC.
FBI hefur nú greitt eiginkonu hans, Arlene Villamia Drimal, 90.000 dali. Arlene fór í mál við FBI og sakaði stofnunina um að hafa hlerað persónuleg og oft á tíðum viðkvæm samtöl milli þeirra hjónanna.
FBI samdi þá við Arlene um greiðslu, gegn því að hún myndi falla frá kærunni. Málið hefur vakið nokkra athygli vestanhafs, þar sem það verður að teljast afar sjaldgæft að sigra FBI með þessum hætti.
