Sjómannasamtökin í Færeyjum efndu til fundar í morgun í Þórshöfn til þess að mótmæla frumvarpi stjórnvalda um breytingar á fiskveiðistjórnarlögunum sem m.a. gera ráð fyrir því að hluti kvótans verði boðinn upp.
Alls 23 skip eru nú í höfninni í Þórshöfn af þessu tilefni. Fundurinn var haldinn klukkustund áður en Lögþingið kom saman í morgun til þess að hefja fyrstu umræðu um frumvarpið.
Á vef færeyska útvarpsins má sjá ljósmyndir af fundinum.