*

laugardagur, 17. nóvember 2018
Innlent 10. maí 2018 10:02

Farice tapar 42 milljónum

Farice, sem á og rekur tvo sæstrengi til Evrópu, hagnaðist um 963 milljónir króna fyrir afskriftir og fjármagnsliði.

Ritstjórn
Ómar Benediktsson, forstjóri Farice.
Aðsend mynd

Farice ehf., sem á og rekur tvo sæstrengi til Evrópu, tapaði tæplega 347 þúsund evrum (41,8 milljónum króna) á síðasta ári, en árið 2016 nam tapið 11 milljónum evra (1,5 milljörðum króna).

Sala bandvíddar nam 11,2 milljónum evra borið saman við 10,9 milljónir árið á undan. Hagnaður fyrir afskriftir og fjármagnsliði nam tæplega 8 milljónum og jókst um 10,8% milli ára. Afskriftir námu rúmlega 7 milljónum evra og fjármagnsgjöld námu 3,4 milljónum. 

Eignir námu 75,8 milljónum evra í árslok og var eiginfjárhlutfall 37,2%. Farice er í eigu Arion banka, Landsvirkjunar og Ríkissjóðs Íslands. Forstjóri Farice er Ómar Benediktsson.

Stikkorð: Farice sæstrengur uppgjör