*

þriðjudagur, 13. nóvember 2018
Innlent 15. desember 2016 09:07

Ferðaþjónustan býst við versnandi afkomu

Ný könnun Samtaka ferðaþjónustunnar sýnir að þriðjungur fyrirtækja búast við slakri afkomu í ár sem er mikil aukning milli ára.

Ritstjórn
Haraldur Guðjónsson

Tæplega þriðjungur fyrirtækja í ferðaþjónustu bást við slakri afkomu í ár, það er með EBITDA hlutfall sem verði undir 5%.

Þetta er meðal niðurstaðna í nýrri könnun sem Samtök ferðaþjónustunnar (SAF) hefur gert meðal félagsmanna sinna sem Morgunblaðið fjallar um.

Hlutfall fyrirtækja sem búast við því að tekjur sínar í ár fyrir vaxtagreiðslur og -tekjur, skatta og afskriftir verði undir 5% er 29% en einungis 14% fyrirtækja sýndu svo slaka afkomu í fyrra.

Sama könnun sýnir að þau fyrirtæki sem gera ráð fyrir að skila engum hagnaði eða tapi hefur fjölgað umtalsvert milli ára. Fyrir ári síðan var hlutfall þeirra 17% en nú er það komið upp í um fjórðung svarenda.