*

laugardagur, 22. september 2018
Innlent 4. október 2017 11:24

Ferðaþjónustan með 8,4% af landsframleiðslu

Ferðaþjónustan hefur stungið sér á milli heild- og smásöluverslunar og framleiðslu hins vegar.

Ritstjórn
Haraldur Guðjónsson

Á síðasta ári nam hlutur ferðaþjónustu í landsframleiðslu 8,4% samkvæmt bráðabirgðaniðurstöðu Hagstofu Íslands. Árið 2015 nam hluturinn 6,7% og 5,6% árið 2014. Þar sem greinin er samsett grein í útreikningum stofnunarinnar er þar lagt saman tiltekið hlutfall af starfsemi annarra atvinnugreina í þeim tilgangi að geta greint betur slagþunga greinarinnar í gangverki hagkerfisins.

Ef borin saman við aðrar greinar sést að ferðaþjónusta er næst á eftir Heild- og smásöluverslun í samanburði á hlutfalli atvinnugreinahópa í landsframleiðslu, en Heild- og smásöluverslunin er með yfir 10% hennar. Næst á eftir koma svo Framleiðsla önnur en fiskvinnsla og svo Heilbrigðis- og félagsþjónusta sem bæði eru með rétt undir 8 af hundraði en loks eru fiskveiðar og fiksvinnsla með í kringum 7 af hundraði.