Af 34 þúsund félagsmönnum í VR kusu rétt um 21% þeirra, eða 7.104 þeirra í atkvæðagreiðslu um kjarasamninga félagsins við Samtök atvinnulífsins, en atkvæðagreiðslunni lauk í hádeginu í dag.
Eilítið hærra hlutfall þeirra 1.699 sem gátu kosið um samsvarandi kjarasamning félagsins við Félag atvinnurekenda, 451 félagsmaður eða tæplega 27%, atkvæðabærra létu verða af því.
Fleiri félög hafa lokið atkvæðagreiðslu um lífskjarasamningana svokölluðu en hæst var þátttökuhlutfallið hjá þeim sem féllu undir samningana hjá Verkalýðsfélagi Þórshafnar eða 60%, sem samsvarar 9 af 15 sem kosningarétt höfðu.
Hér má sjá niðurstöðuna samantekna eftir félögum:
Á kjörskrá - Þátttaka - Niðurstaða
- VR - SA 34.070 7.104 20,85%
- VR - FA 1.699 451 26,55%
- FVSA - SA 1.964 381 19,40%
- FVSA - FA 33 11 33,33%
- Vmf. Skagafjarðar 186 31 16,67%
- Stéttarfélagið Samstaða 71 13 18,31%
- Framsýn Stéttarfélag 189 20 10,58%
- Vlf. Þórshafnar 15 9 60,00%
Niðurstöður atkvæðagreiðslna aðildarfélaga að Landsambandi Íslenskra verslunarfélaga við SA og FA verða ekki birtar fyrr en að afloknum kosningum hjá Stéttarfélagi Vesturlands, Verkalýðsfélaga Snæfellinga og Vestfirðinga auk AFL starfsgreinafélags. Þeim lýkur 23. apríl næstkomandi klukkan 16:00, en niðurstöður allra kosninga verða kynntar 24. apríl.