*

þriðjudagur, 18. september 2018
Innlent 24. júní 2013 17:12

Finnst of margar matvörubúðir úti á Granda

Stjórnendur tveggja verslana eru sammála um að of margir í matvöruverslun geri út á Grandanum í Reykjavík.

Ritstjórn
Haraldur Jónasson

Of margar matvöruverslanir eru úti á Granda í Reykjavík, að mati Bjarna Friðriks Jóhannessonar, rekstrarstjóra Nóatúns og Kjarvals. Hann segir í samtali við netmiðilinn Spyr.is margar verslanir þar hins vegar ekki hafa áhrif á vöruverð. Það geri aftur á móti langur opnunartími. 

Árni Pétur Jónsson, forstjóri og aðaleigandi 11-11 og forstjóri Iceland-verslunarinnar, er sama sinnis og Bjarni hvað fjölda verslana úti á Granda snertir. Hann sagði í samtali við vb.is í maí orðið ansi þröngt þar. Iceland ætlar að loka verslun sinni við Fiskislóð í sumar og mun Nettó taka við húsnæðinu í ágúst. 

Á Granda eru fyrir verslanir Krónunnar, Bónuss og Nóatún, Víðir, 10-11 og Hagkaup ekki langt frá. 

Að Grandasvæðinu undanskildu telur Bjarni fjöldi verslana eðilegan.